PUISI TEMA “ANTIKORUPSI” OLIH NI KADEK WARNASIH

KORUPSI ULIAN GENGSI  

olih: Ni Kadék Warnasih

#1

Hidup di jaman jani

Makejang sarwa géngsi

Onyang demen mamunyi

Kenehé pang makejang misi

Jani ulian géngsi payu korupsi

Pang payu nuutin isin hati

Sing peduli kema mai

Ané penting maan bati

Magaya ulian géngsi

Ngalih pipis ulian korupsi

 

#2

Jaman jani makejang dadi beli

Nyalonang diri apang dadi politisi

Kursi dadi beli

Apang payu mlali ka luar negeri

Hidup cara jani

Tusing ngelah pis sinah mati

Ané jani ada pis pasti happy

Ulian ngalih happy payu korupsi

Tusing tawanga buin mani mati

Tuah mabekel sembah bhakti

 

Ni Kadék Warnasih

embas ring Pemuteran, 01 April 1990. Ipun dados mahasisia semester VII ring Prodi Pendidikan Bahasa Bali, STKIP Agama Hindu Amlapura.