PUISI TEMA “ANTIKORUPSI” OLIH I PUTU SILA

DEMEN ALUH

olih: I Putu Sila

Gumi buduh

Demen aluh

Sing demen tuyuh

Nagih hasil ulian aluh

 

Megaé sing demen,

Nagih hsil ulian sing pesu peluh

Kadi raksasa lobané kasub

Dini ditu kena pisuh

Rusuh tur liu ngelah musuh

Makejang demen aluh

Pang sing tandruh

 

 

KISI – KISI

olih: I Putu Sila

Ada pejabat tinggi

maan gajih cukup melin  nasi

kenehné sing misi

Kisi –kisi

nyaru luas ka sisi

laut korupsi

 

cara anak maburuh

modal baan peluh

ngangin kauh

kisi-kisi

makejang ajak mangeluh

sing ada gaé aluh

liunan ané ajak tuyuh

peluh kanti tuh

 

 

I Putu Sila

embas ring Waringin, 7 April 1981, dados mahasisia semester VII  ring Prodi Pendidikan Bahasa Bali, STKIP Agama Hindu Amlapura